Rwamagana abagize Inteko Ishingamategeko y’U Rwanda basuye ibikorwa by’ Umuryango LWD

Kuruyu wa Gatandatu tariki ya 1 Ugushyingo 2025, ku ishami ry’Umuryango Learn Work Develop (LWD) riherereye mu karere ka Rwamagana, hakiriwe itsinda riyobowe na Hon. Umuhire Adrie, rigizwe n’Abagize Inteko Ishinga Amategeko bo mu Ihuriro RPRPD (Abagize Inteko baharanira imiberereho myiza y’Abaturage n’Iterambere), FFRP ( Ihuriro ry’Abanyarwandakazi bari mu Nteko Ishinga Amategeko).

Uru ruzinduko rwari rugamije kumenyekanisha Itegeko rigenga abantu n’umuryango, ndetse no gukangurira urubyiruko kwitabira serivisi z’ubuzima bw’imyororokere no kwirinda inda ziterwa abangavu.

Abagize iri tsinda bari kumwe n’abayobozi batandukanye b’Akarere ka Rwamagana,
harimo Umuyobozi w’Akarere wungirije ushinzwe imibereho myiza Mme Umutoni Jeanne.

Mu bikorwa byaranze uru ruzinduko, basuye ishuri ryigisha imyuga rya LWD, bareba ibikorwa bitandukanye bikorerwamo, ndetse baganiriza abanyeshuri ku buzima bwabo, indangagaciro n’uruhare rwabo mu kubaka ejo hazaza h’igihugu.

Itsinda ry’Abadepite n’Abasenateri ryakiriwe na Mwiseneza Jean Claude, Umuyobozi Mukuru w’Umuryango Learn Work Develop, aho bashimye ibikorwa by’umuryango ndetse bagaragaza ko banyuzwe n’uburyo urubyiruko rwigishwa ubumenyi bufasha mu mibereho myiza n’iterambere.
Bagaragaje ko ibitekerezo n’ibibazo by’urubyiruko n’abana byumvikanye muri uru ruzinduko, bizitabwaho kugira ngo bikemuke.

📍 Amafoto!